AM:08:19:20/12/2024
10976 جار خوێندراوەتەوە
کەشناسی هەرێم رایگەیاند، باران بارین لە دوا نیوەڕۆى ئەمرۆوە دەستپێدەکات و لە شەودا دابارین زیاد دەبێت، دەشڵێت پێشبینی بەفر بارین دەکرێت لە ناوچە شاخاویەکان.
ئەمڕۆ هەینی ٢٠ـی کانونی یەکەمـی ٢٠٢٤، کەشناسی بڵاویکردەوە، ئەمڕۆ ئاسمان بەگشتی هەور دەبێت و باران بارین لە دوا نیوەڕۆوە دەست پێدەکات و لە کاتەکانی شەودا رێژەی دابارین زیاد دەکات لە ناوچە جیاوازەکانی هەرێم، هەروەها پێشبینی بەفر بارین دەکرێت لە ناوچە شاخاوییەکانی رۆژهەڵاتی هەرێم.
ئاماژەی بەوەش کردووە،
سبەینێ ئاسمان لە نێوان نیمچە هەور و هەوری تەواودا دەبێت و لەکاتەکانی بەیانیدا
پێشبینی دروستبوونی تەم دەکرێت لەگەڵ نمەباران لە ناوچەکانی رۆژهەڵاتی هەرێم.
ئەوەشی خستووەتەڕوو،
پلەکانی گەرما روو لە نزمبوونەوە دەکەن و سبەینێ ٢ تا ٣ پلە پلەکانی گەرما
دادەبەزێت.
بەرزترین پلەکانی گەرمای پێشبینیکراو بە پلەی سیلیزی:
هەولێر : ١٢ پلەى سیلیزى
سلێمانی : ١١ پلەى سیلیزى
دهۆک : ١٤ پلەى سیلیزى
زاخۆ : ١٥ پلەى سیلیزى
هەڵەبجە : ١١ پلەى سیلیزى
کەرکوک : ١٣ پلەى سیلیزى
سۆران : ٩ پلەى سیلیزى
حاجی ئۆمەران : ٢ پلەى سیلیزى
گەرمیان : ١٥ پلەى سیلیزى
