AM:09:14:13/10/2024
2744 جار خوێندراوەتەوە
کۆمسیۆنی هەڵبژاردنەکانی عێراق رایگەیاند، تەنها دوو رۆژ ماوە بۆ وەرگرتنەوەی کارتی بایۆمێتری دەنگدان و داوا لە هاوڵاتیان دەکات کارتەکانیان وەربگرنەوە.
کۆمسیۆنی هەڵبژاردنەکانی عێراق بڵاویکردەوە، تەنها سبەی و دوو سبەی هاوڵاتیان دەتوانن کارتی بایۆمێتری دەنگدان وەربگرنەوە، داواش لە هاوڵاتیان دەکات لەم دوو رۆژەدا سەردانی بنکەکان بکەن و کارتەکانیان وەربگرنەوە.
ئاماژەی بەوەشکردووە، هەر هاوڵاتییەک کارتی دەنگدانی نەبێت
مافی دەنگدانی نابێت.
ئەوەش لەکاتێکدایە، هەفتەی داهاتوو هەڵبژاردنی خولی شەشەمی
پەرلەمانی کوردستان بەڕێوەدەچێت و ئەم هەڵبژاردنەش جیاوازە بەوپێیەی کۆمسیۆنی هەڵبژاردنەکانی
عێراق سەرپەرشتی دەکات و وڵاتانی نێودەوڵەتیش چاودێری پڕۆسەکە دەکەن.