لەبەرامبەر ئەمەش نەوەی نوێ وەک بەرەیەکی سیاسی دژی پارتی و یەکێتی کێبڕکێی بوونە هێزی یەکەم دەکات و لە ئەگەری وەرگرتنی دەسەڵاتیش بەڵێنی چارەسەری کێشەکانی مووچە و کێشەی سەرجەم چین وتوێژەکان دەدات لە رێگای رێککەوتن لەگەڵ بەغداوە.

پێشتریش، شاسوار عەبدولواحید سەرۆکی جوڵانەوەی نەوەی نوێ، ئەو مەترسیانەی ئاشکراکرد کە ئەگەر خەڵک نەچن بۆ دەنگدان و دەنگ نەدەنە نەوەی نوێ ئەم دەسەڵاتە دەمێنێتەوە، وە دوای هەڵبژاردن دۆخی خەڵک زۆر خراپتر دەبێت، بەڵام ئەگەر خەڵک بڕۆن و دەنگ بدەنە نەوەی نوێ ئەوا نەوەی نوێ پلانی هەیە بۆ دوای هەڵبژاردن بۆ بەبانکیکردنی مووچە، چارەسەری بێکاریی گەنج، لابردنی سەرجەم باج و هەروەها باشکردنی کەرتی پەروەردە و تەندروستی لەپێناو خزمەتی هاوڵاتیاندا.

ئێستا چارەسەرەکە لە دەستی هاوڵاتیاندایە و دەتوانن ٢٠ـی ئۆکتۆبەر لەڕێگای دەنگدان بە لیستی ژمارەی ١٥٧ـەوە دەسەڵاتێکی نوێ تاقیبکەنەوە کە نەوەی نوێیە و تا ئێستا بەشداری هیچ حکومڕانییەکی نەکردووە، وەک چۆن هەڵبژاردنی٢٠٢١ کە نەوەی نوێ بووە دووەم، ئەمجارەش دەیەوێت ببێتە هێزی یەکەم و ئەگەر لەو دوو ملیۆن هاوڵاتییەی بایکۆتیان کرد ئەمجارە تەنها ١٥٪ بڕۆنە دەنگدان، ئەوا نەوەی نوێ دەبێتە زۆرینە و حکومەت دەگرێتە دەست و بەڵێنی داوە خەڵک لە نەهامەتییەکان رزگار بکات.