لە خوارەوە کۆمەڵێک ڕێگەی سروشتی بۆ کەمکردنەوەی ئازار دەخەینەروو:

١.زەردەچەوە: زەردەچەوە دژە ئۆکسانە و جەستە دەپارێزێت لە رادیکاڵە ئازادەکان کە زیان بە خانە و شانەکان دەگەیەنن، جگە لەوەی زەردەچەوە یەکێکە لە نموونە دیارەکانی کۆمەڵێک دەرمانی سروشتی ئازارشکێن، بۆ چارەسەرکردنی زۆرێک لە کێشە تەندروستییەکان بەکاردێت، وەک هەرس نەکردن، برینی گەدە و تێکچوونی گەدە.
پێشنیار دەکرێت زەردەچەوە بخرێتە ناو خۆراکە جیاوازەکانەوە بۆ ئەوەی تامێکی جیاواز بەدەست بهێنیت و یارمەتی کەمکردنەوەی ئازارە جۆراوجۆرەکان بدات.

٢. زەنجەفیل: دەکرێت زەنجەبیل بە کۆمەڵێک دەرمانی سروشتی ئازارشکێن هەژمار بکرێت، چونکە خواردنی دوو گرام لە زەنجەفیل رۆژانە ئازار و هەوکردنی ماسولکەکان کەمدەکاتەوە کە لە ئەنجامی وەرزشکردن و گرژبوونی ماسولکەکانەوە دروست دەبێت، هەروەها چاکبوونەوە خێراتر دەکات.
 .٣مێخەک: دەتوانرێت بۆ چارەسەرکردنی زۆرێک لە کێشە تەندروستییەکان بەکاربهێنرێت، بەوپێیەی سکچوون کەمدەکاتەوە و یارمەتی چارەسەرکردنی سەرمابوون دەدات، هەروەها کاریگەرە لە نەهێشتنی سەرئێشە و هەوکردنی جومگەکان و ئازاری ددان، بۆ نموونە دەتوانرێت بڕێکی کەم لە مێخەک بخرێتە سەر پووک بۆ ئەوەی ئازاری ددانەکان بۆ ماوەیەکی کاتی کەم بکاتەوە تا دەچیتە لای پزیشک.

٤. نەعنا: یارمەتی رزگاربوون لە هەوکردن دەدات، دەتوانێت کێشەکانی کۆئەندامی هەرس، ئازاری ددان، سەرئێشە و ئازاری دەمارەکان بە ئاسانی چارەسەر بکات.