PM:05:59:10/10/2024
1068 جار خوێندراوەتەوە
وەزارەتی سامانە سروشتییەکانی حکومەتی کاربەڕێکەر رایگەیاند، تا ئێستا ١٩٩ هەزار بەرمیل نەوتی سپییان بە نزیکەی ١٩٩ هەزار خێزان لە ناوچە جیاوازەکانی هەرێم فرۆشتووە.
ئەمڕۆ پێنجشەممە، وەزارەتی سامانە سروشتییەکانی حکومەتی کاربەڕێکەر لە راگەیەنراوێکدا بڵاویکردەوە، تا ئێستا ١٩٩ هەزار بەرمیل نەوتی سپییان بە هاوڵاتیانی ناوچە جیاوازەکانی هەرێم فرۆشتووە.
ئاماژە بەوەش
کراوە، ئەو بڕە نەوتە بە نزیکەی ١٩٩ هەزار خێزان فرۆشراوە و نرخی هەر بەرمیلێکیش ١٠٤ هەزار دینار بووە.
ئەوەش
لەکاتێکدایە، ئەمساڵیش هاوشێوەی ساڵی رابردوو، حکومەتی کاربەڕێکەر دەستی کردەوە بە
فرۆشتنی نەوت بە هاوڵاتیان کە نرخی هەر بەرمیلێک ١٠٤ هەزار دینارە. هاوڵاتیانیش باس لەوە دەکەن، ئەوەی حکومەتی کاربەڕێکەر دەیکات فرۆشتنی نەوتە
نەک دابەشکردن، بەوپێیەی نرخی ئەو نەوتەی حکومەتی کاربەڕێکەر پێیان دەفرۆشێت، جیاوازییەکی
ئەوتۆی لەگەڵ بازاڕدا نییە.
