کۆمپانیای تۆتاڵ ئێنەرجیزی فەرەنسی بۆ بەرهەمهێنانی نەوت و غاز ئامانجی بەرهەمهێنانی ئەو دوو بەرهەمە سروشتییەی بۆ ٣٪ـی ساڵانە بەرزکردەوە و رایگەیاند، زیادکردنی بەرهەم تا ساڵی ٢٠٢٨ بەردەوام دەبێت.
ئەمڕۆ چوارشەممە، کۆمپانیای تۆتاڵ ئێنەرجیزی فەرەنسی بۆ بەرهەمهێنانی نەوت و غاز ئامانجی بەرهەمهێنانی ئەو دوو کانزایەی بۆ ٣٪ـی ساڵانە بەرزکردەوە و لەمساڵیشدا کارەکانیان لە بەرازیل و سورینام و ئەنگۆلادا پەرەپێداوە.
کۆمپانیاکە ئاماژەی بەوەش کردووە، دەست
دەکەنەوە بە دووبارە کارکردنەوە لە پرۆژەی غازی سروشتی لە مۆزەمبیق کە کۆمپانیاکە
خاوەنی زۆرترین پشکە تێیدا و بەهاکەی ١٤
ملیار دۆلارە و تا ساڵی ٢٠٣٠ ساڵانە ٤٪ـی بەرهەمەکەی زیاد دەکەن.
ئەوەشی خستووەتە روو، گرنگی دەدەن بە
بەرهەمهێنانی غاز بە کەمترین تێچوو و تا ساڵی ٢٠٣٠ دەیانەوێت نرخەکان لە نزمیدا بمێننەوە.
ئەو بڕیارەی تۆتەڵ ئێنەرجیز لەکاتێکدایە،
رێکخراوی ئۆپیک پڵەس تا کۆتای ئەمساڵ بەردەوام دەبێت لە کەمکردنەوەی بەرهەم بە بڕی
پێنج ملیۆن بەرمیلی رۆژانە و ،
ساڵی رابردووهەریەک لە عێراق و روسیا و سعودییە و ئیمارات و جەزائیر و کوێت
و عومان رایانگەیاند، بەشێوەیەکی خۆویستانە و بە ئامانجی سەقامگیری نرخی نەوت لە
بازاڕەکانی جیهان و راگرتنی هاوسەنگی لە نێوان خواست و خستنە بازاڕدا بەرهەمهێنانی
رۆژانەی نەوت کەمدەکەنەوە.