لەگەڵ فراوانکردنی سنووری شاری هەولێر، زەوییە کشتوکاڵیەکانی نزیکەی ٦٠ گوند، کەوتنە سنووری ماستەر پلانی شار، دانیشتوانی ئەو گوندانە باس لەوە دەکەن، تاوەکو ئێستا قەرەبوو نەکراونەتەوە.
لە سۆراخێکی ئێن ئاڕ تیدا دەرکەوتووە کە زیاتر له ٥٠ هه‌زار دۆنم زه‌وی گونده‌کانی ده‌شتی هه‌ولێر به‌ر ماستەرپلان که‌وتووه له‌سەر بەشێک لە زەوییەکان باڵه‌خانه‌ی بازرگانی دروستکراوه.
بەپێی زانیارییەکان،٢٢٠ جوتیاری
خاوەن زەویەکانی عنکاوە، بەناوی حەرەمی فڕۆکەخانە زەوییەکانیان لێ وەرگیراوە دەکرێتە
پرۆژەی نیشتەجێبوون بە نرخێکی گران دەفرۆشێتەوە کە پرۆژەکان بەرپرسانی باڵای حزبییان
لە پشتەوەیە و نرخی زەوییەکانیش زیاترە لە حەوت ملیار دۆلارە.
چاوگێک لەشارەوانییەکان بە ئێن ئاڕ تی ڕاگەیاند، ئەو زەوییە کشتوکاڵیانە
لە جوتیاران وەرگیراوەتەوە بە سێ جۆر دەستیان بەسەردا دەگیریت بەناوی یاسای وەبەرهینان
و بەناوی پرۆژە و گۆرینی رەگەزی زەوی، سەرجەمیان دەکەونە زۆنی زێڕینی هەولێر کە هەر
مەتر دووجایەک زەوی لەو زۆنە لە نێوان پێنج هەزار دۆلار بۆ شەش هەزار دۆلاردایە و
لە کاتی بازاڕی باشیشدا نرخەکە بەرزتر دەبێتەوە.
هاوکات، لە هەولێر هەرزانترین زەوی نرخی یەک مەتری ٣٠٠ دۆلارە و
گرانترینیشی نرخی زیاترە لە ١٠ هەزار دۆلار و هیچ زەوییەک نییە لە هەولێر و گوندەکانی
دەوروبەریشی ٤٠٠ مەتر بێت و نرخەکەی لە ١٠٠ هەزار دۆلار کەمتر بێت.