کارگێڕی زانیاری وزەی ئەمریکا رایگەیاند، لەسەر ئاستی هەفتانە هەناردەی نەوتی عێراق بۆ ئەمریکا کەمی کردووە و لە هەفتەی رابردوودا بە تێكڕا ١٢٥ هەزار بەرمیلی رۆژانە هەناردە کراوە.
هەر بەپێی داتاکانی کارگێڕی زانیاری وزەی ئەمریکا، لە هەفتەی رابردوودا لە ١٠ وڵاتی گەورەوە پێنج ملیۆن و ٧٤٤ هەزار بەرمیلی رۆژانە هەناردەی ئەمریکا کراوە.
هاوکات، کەنەدا بە هەناردەکردنی سێ ملیۆن و
٧٩٩ هەزار بەرمیل لە رۆژێکدا پلەی یەکەمی ئەو وڵاتانەی گرتووە کە زۆرترین نەوتیان
هەناردەی ئەمریکا کردووە.
دوای کەنەدا، مەکسیک بە پلەی دووەم و
کۆڵۆمبیا بە پلەی سێیەم دێن، ڤەنزوێلا پلەی چوارەمی ریزبەندییەکەی گرتووە.
ئەوەش لەکاتێکدایە، لە هەفتەی پێشووتردا
پێنج ملیۆن و ٤٠١ هەزار بەرمیل لە رۆژێکدا هەناردەی ئەمریکا کراوە.