PM:12:53:05/10/2024
1376 جار خوێندراوەتەوە
کۆمسیۆنی عێراق رایگەیاند، ئەو دەنگۆیانەی باس لە ئاشکرابوونی دەنگی دەنگدەران دەکەن هیچ بنەمایەکیان نییە و دوورن لە راستییەوە. دەشڵێت، نزیکەی ٤٠ وڵات و رێکخراوی بیانی و ناوخۆیی چاودێریی هەڵبژاردنەکە دەکەن.
کۆمسیۆنی باڵای سەربەخۆی هەڵبژاردنەکانی عێراق لەبارەی دەنگۆی ئاشکرابوونی دەنگی دەنگدەرانەوە لە هەڵبژاردنی خولی شەشەمی پەرلەمانی کوردستان رایگەیاند، هیچ کەس و لایەنێک نازانێت دەنگدەر دەنگی بە کێ داوە.
ئاماژە بەوەش کراوە، سەرجەم ئامادەکارییەکان
بۆ ئەنجامدانی خولی شەشمی پەرلەمانی کوردستان تەواو کراون.
ئەوەش خراوەتە روو، نزیکەی ٤٠ وڵات و
رێکخراوی بیانی و ناوخۆیی چاودێریی هەڵبژاردنەکە دەکەن.
ئەوەش لەکاتێکدایە، رۆژی ٢٠ـی ئەم مانگە،
هەڵبژاردنی خولی شەشەمی پەرلەمانی کوردستان بە سەرپەرشتی کۆمسیۆنی عێراق و بە
چاودێریی کۆمەڵگەی نێودەوڵەتی بەڕێوە دەچێت، هەڵبژاردنەکەش دەبێتە یەکەمین
هەڵبژاردن لە مێژووی هەرێمی کوردستان، کە بە فشاری نێودەوڵەتی و بەدەر لە ویستی
پارتی و یەکێتی بەڕێوە بچێت، چاوەڕوانیش دەکرێت دوای ٣٣ ساڵ، هاوڵاتیان کۆتایی بە
دەسەڵاتی پارتی و یەکێتی بهێنن و تۆڵەیان لێ بکەنەوە.
