PM:10:32:04/10/2024
1428 جار خوێندراوەتەوە
بەرکەوتووانى چەکى کیمیایی خۆیان لە دۆخێکى سەختى دەروونى و جەستەییدان، بەڵام حکومەتى کاربەڕێکەر بە بڕین و کەمکردنەوەی مووچەکانیان هێندەى دیکە ئەم نەخۆشانەی نیگەران کردووە، بەتایبەت کە دەبێت لەسەر ئەرکی خۆیان دەرمان و پێداوستى پزیشکی بکڕن.
تا دێت رەوشی تەندروستی بەرکەوتووانی چەکی کیمیابارانی هەڵەبجە خراپتر دەبێت، بڕین و کەمکردنەوەی مووچەکانیشیان لەلایەن حکومەتی کاربەڕێکەرەوە، ئەم نەخۆشانەی زیاتر نیگەران کردووە.
سەرەڕای بڕین
و کەمکردنەوەی مووچەکانیان، نەبوونی دەرمان و نەخۆشخانەی پێویست، هێندەی دیکە دۆخی بەرکەوتووانی
چەکی کیمیایی خراپتر کردووە، بە شێوەیەک رۆژانە لەسەر گیرفانی خۆیان حەب و دەرمان
دەکڕن، بەمەش ئەوەندەی تر ژیانیان سەخت بووە.
بەهۆی ئەوەی
تاوەکو ئێستا چارەسەری پزیشکی بۆ بەرکەوتووانی چەکی کیمیایی نەکراون،
رۆژانە بەدەم ئازارەوە لەبەرچاوی ماڵ و منداڵیان دەناڵێن و هەندێکیشیان گیان لەدەست
دەدەن، هۆکاری ئەم دۆخەشیان دەخەنە ئەستۆی پارتی و یەکێتی کە نەیانتوانیوە لە
ماوەی ٣٠ ساڵی رابردوودا کەمێک لە ئازارەکانیان کەم بکەنەوە.
