PM:06:37:29/09/2024
1480 جار خوێندراوەتەوە
دوای داخستنی دەرگای بنکەکانی دەنگدان لە نەمسا ئەنجامە بەراییەکان بڵاوکرانەوە و بەگوێرەی ئەنجامەکان، پارتی ئۆپۆزسیۆنی راسترەو سەرکەوتنی بەرچاوی بەدەست هێناوە و دەنگی پارتی دەسەڵاتدار کەمی کردووە.
ئەمڕۆ یەکشەممە، هەڵبژاردنی پەرلەمانیی لە نەمسا بەڕێوە چوو و هەر لە سەرەتاوە پێشبینی دەکرا پارتی ئازادی راستڕەوی توندڕەو سەرکەوتنێکی مێژووی بەدەست بهێنێت و بەسەر پارتی دەسەڵاتداری وڵاتەکەدا سەربکەوێت.
پارتی ئازادی راستڕەوی توندڕەو بۆ یەکەم جارە لە هەڵبژاردنە
گشتییەکانی وڵاتەکەدا بەشداری بکات و لە چەندین راپرسی پێش هەڵبژرادنەکاندا پلەی
یەکەمی بەدەستهێناوە و بەگوێرەی ئەنجامە بەراییەکانیش سەرکەوتنی گەورەی بەسەر پارتی
دەسەڵاتدا بەدەست هێناوە.
ئەوەش لە کاتێکدایە، لە سایەی
حکومڕانی پارتی دەسەڵاتداری وڵاتەکە دۆخی ئابووری و پرسی کۆچبەران لە ئاستێکی
خراپدایە، هەربۆیە پارتی ئازادی راستڕەوی توندڕەو چاوی لەوەیە زۆرترین دەنگ لە
هەڵبژاردنەکەدا بەدەست بهێنێت و کارکردن لەسەر ئەو دوو پرسەش بە یەکێک لە
ئەولەویەتەکانی دابنێت.
