AM:08:17:29/09/2024
1048 جار خوێندراوەتەوە
ماوەی چەند رۆژێکە نرخی نەوت بەردەوامە لە دابەزین و لە ئێستاشدا بەرمیلێک نەوتی خاوی برێنت بە ٧١ دۆلار و ٩٨ سەنت مامەڵەی پێوە دەکرێت، بەراورد بە دوێنێ نرخەکەی لە نزمیدا جێگیرە.
ئەمڕۆ شەممە، یەک بەرمیل نەوتی رۆژئاوای تێکساس بە ٦٨ دۆلار و ١٨ سەنت مامەڵەی پێوە دەکرێت، هاوشیوەی نەوتی برێنت نرخەکەی لە نزمیدا جێگیرە.
ئەمەش لە کاتێکدایە، رێکخراوی ئۆپیک پڵەس رۆژانە بەرهەمهێنانی نەوتی
بە بڕی پێنج ملیۆن و ٨٦ هەزار بەرمیل کەم کردووەتەوە و ئەو کەمکردنەوەیە تاوەکو
کانونی یەکەمی ئەمساڵ بەردەوام دەبێت دواتر بەرهەمهێنانی ١٨٠ هەزار بەرمیل نەوت زیاد
دەکەن.
هاوکات، ئاڵەنگارییە سیاسی و چەکدارییەکانی رۆژهەڵاتی ناوەڕاست و جەنگی
روسیا و ئۆکرانیا و پەرەسەندنی ئاڵۆزییەکانی غەززە بۆ لوبنان هۆکارگەلێکی دیکەن بۆ
ناجێگیری نرخی نەوت .
