AM:08:38:28/09/2024
968 جار خوێندراوەتەوە
نرخی نەوت بەردەوامە لە دابەزین و بەرمیلێک نەوتی خاوی برێنت بە ٧١ دۆلار و ٩٨ سەنت مامەڵەی پێوە دەکرێت و لەم هەفتەیەکدا ٤.٦٪ـی نرخەکەی دابەزیوە.
ئەمڕۆ شەممە، یەک بەرمیل نەوتی رۆژئاوای تێکساس بە ٦٨ دۆلار و ١٨ سەنت مامەڵەی پێوە دەکرێت، سەرەڕای ئەوەی ئەمڕۆ چەند سەنتێک لە نرخەکەی بەرزبووەتەوە، بەڵام هاوشیوەی نەوتی برێنت دابەزینی بەرچاوی بەخۆیەوە بینیوە و لەماوەی یەک هەفتەدا ٦.٦٪ـێ نرخەکەی لەدەست داوە.
ئەمەش لە کاتێکدایە، رێکخراوی ئۆپیک پڵەس رۆژانە بەرهەمهێنان بە بڕی پێنج ملیۆن و ٨٦ هەزار بەرمیل نەوتی کەمکردووەتەوە و ئەو کەمکردنەوەیە تاوەکو کانونی یەکەمی ئەمساڵ بەردەوام دەبێت دواتر بەرهەمهێنانی ١٨٠ هەزار بەرمیل نەوت زیاددەکەن.
ئاژانسی فاینانشەڵ تایمز لەوباریەوە ئەوەی خستووەتە روو، زیادکردنی بەرهەم بە بڕی ١٨٠ هەزار بەرمیل لە دوای ئەوەدێت سعودیە دەیەوێت بەرهەمهێنان زیاد بکات و لە کۆتایی ساڵدا دەیەوێط نرخی نەوت داببەزێنێت و وڵاتەکە رەتی دەکاتەوە نرخێکی جێگیر بۆ نەوت دابنێت.
لەلایەکی دیکە، ئاڵەنگارییە سیاسی و چەکدارییەکانی رۆژهەڵاتی ناوەڕاست و جەنگی روسیا و ئۆکرانیا و پەرەسەندنی ئاڵۆزییەکانی غەززە بۆ لوبنان هۆکارێکی دیکە ناجێگیری نرخی نەوتن .
