PM:12:11:26/09/2024
15664 جار خوێندراوەتەوە
لە سلێمانی نرخی کارەبای مۆلیدەی سیتییەکان بۆ مانگی ٩ دیاریکرا و هەر کیلۆواتێک بەرامبەر بە ٢٥٣ دینار دانراوە.
لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان) لە سلێمانی نرخی هەر کیلۆواتێکی کارەبای مۆلیدەی بۆ مانگی رابردوو بە ٢٥٣ دینار دیاریکرد.
ئاماژە بەوەکراوە، نرخەکە بەگوێرەی نرخی گازوایل لە بازاڕ دیاریکراوە و
داواش لە سەرجەم سیتییەکانی سنووری پارێزگای سلێمانی دەکەن، پابەند بن بە نرخەکەوە.
لە هەرێم
شانبەشانی کارەبای نیشتیمانی، حکومەت لەبری زیادکردنی بەرهەمهێنانی کارەبا،
مۆلیدەی ئەهلی بۆ گەڕەک و سیتییەکان داناوە. ئەوەش دوای ٣٣ ساڵ لە حکومڕانی و
بەدەستەوەبوونی داهات و خێر و بێری هەرێمی کوردستان، هێشتا نەیانتوانیوە کارەبای
نیشتیمانی ٢٤ کاتژمێری بۆ هاوڵاتیان دابین بکەن و کارەبای کەرتی تایبەتیان بە نرخی
بەرز پێدەفرۆشنەوە، لەکاتێکدا پێویستە وەک ئەرکی خۆی؛ حکومەت ئەگەر کارەباشی
پێدابین نەکرێت، ئەوا بە نرخی پاڵپشتیکراو و هەرزان ئەو خزمەتگوزارییە گشتییانە بۆ
هاوڵاتیان فەراهەم بکات.
