وتەبێژی هاتوچۆی راپەڕین بە ئێن ئاڕ تی راگەیاند، لە رووداوێکی هاتوچۆدا لەسەر رێگای رانیە، کەسێک گیانی لەدەستدا.
عەلی عەبدوڵا وتەبیژی هاتوچۆی راپەرین بە ئێن ئاڕ تی راگەیاند، شەوی رابردوو رووداوێکی هاتوچۆ لەسەر رێگای نێوان سەرکەپکان بۆ رانیە، لەنێوان ئۆتۆمبێلێکی جۆری مینی پاس و ماتۆڕسکیلێکدا روویداوە.
باسی لەوەشکرد، بەهۆی رووداوەکەوە شۆفێری ماتۆڕسکیلەکە
گیانی لەدەستداوە.
ئەوەشی خستەڕوو، دوای رووداوەکە تیمەکانیان گەیشتوونەتە
شوێنەکە و هێڵکارییان بۆ رووداوەکە کردووە، تەرمی ئەو کەسەشی گیانی لەدەستداوە بۆ
نەخۆشخانە گواستراوەتەوە.
سابر عەبدوڵا- دەڤەری راپەڕین