حکومەتی توڤالو داوا دەکات هاوکاری وڵاتەکەیان بکرێت بۆئەوەی لە مەترسی ژێرئاوکەوتن دووربکەونەوە.
فلات تیۆ سەرۆک وەزیرانی توڤالو رایگەیاند، داوا لە نەتەوەیەکگرتووەکان دەکات دانبنێن بە سنوورە ئاوییەکانیان و دەوڵەتەکەیاندا.
توڤالو وڵاتێکی
دوورگەییە لە زەریای هێمن و ژمارەی دانیشتووانەکەی گەیشتووەتە ١١ هەزار کەس. بەپێی
پێشبینییەکانی ئاژانسی ناسا وڵاتەکە تاوەکو ساڵی ٢٠٥٠ لە ٦٠٪ ناوچەی نیشتەجێبوونی
لەدەستدەدات و ژێر ئاو دەکەوێت.
بەهۆی سوێربوونی
ئاوی زەریاکانەوە، توڤالو پشت بە کۆکردنەوەی ئاوی باران دەبەستێت بۆ کاروباری رۆژانەی
هاوڵاتییەکانی و کشتوکاڵکردن لە ناوچەکەیدا.
رووبەری توڤالو
٢٦ کیلۆمەتری چوارگۆشەیە، بەڵام ناوچەیەکی ئابووری تایبەتی دروستکردووە کە نزیکەی
٩٠٠ هەزار کیلۆمەتر چوارگۆشەیە و زیاتر لە دوو هێندەی قەبارەی کالیفۆرنیای ئەمریکا
دەبێت.