PM:02:43:25/09/2024
9968 جار خوێندراوەتەوە
لە بازاڕەکانی هەرێم نرخی دۆلار بەرزبوونەوەی بەخۆیەوە بینی و لە ئێستادا ١٠٠ دۆلار بەرامبەر بە ١٥١ هەزار و ٥٠٠ دینار مامەڵەی پێوە دەکرێت.
ئەمڕۆ چوارشەممە، لە کاتی کردنەوەی بازاڕی دراوەکان لە هەرێم، ١٠٠ دۆلار بە ١٥٠ هەزار و ٥٠٠ دینار مامەڵەی پێوە دەکرا، لە ئێستاشدا نرخەکەی بە شێوەیەکی بەرچاو بەرز بووەتەوە و بۆ هەر ١٠٠ دۆلارێک هەزار دیناری چووەتە سەر.
هاوکات، بانکی ناوەندیی عێراق لە سەکۆی خستنەرووی
فرۆشی دراوە بیانییەکانەوە رایگەیاند، بۆ ئەمڕۆ ٢٥٣ ملیۆن و ٤٨٠ هەزار و ٧٤٢
دۆلاریان فرۆشتووە.
ئاماژە بەوەش کراوە، لەو بڕە، ٢٤٥ ملیۆن و
٩٣٠ هەزار و ٧٤٢ دۆلاری بە شێوەی حەواڵە و حەوت ملیۆن و ٥٥٠ هەزار دۆلاری بە شێوەی
کاش بووە.
