AM:08:21:25/09/2024
1488 جار خوێندراوەتەوە
دوای ئەوەی لە چەند هەفتەی رابردوودا نرخی نەوت گەیشتە نزمترین ئاستی لە ماوەی سێ ساڵی رابردوودا، ماوەی نزیکەی هەفتەیەکە نرخی ئەو زێڕە رەشە بەردەوامە لە بەرزبوونەوە، بەڵام ئەمڕۆ بەراورد بە دوێنێ نرخەکەی جارێکی دیکە دابەزیوە.
ئەمڕۆ چوارشەممە، نرخی بەرمیلێک نەوتی خاوی برێنت بە ٧٥ دۆلار و دوو سەنت مامەڵەی پێوە دەکرێت و بەراورد بە دوێنێ، نرخەکەی نزیکەی سێ دۆلار دابەزیوە.
لەلایەکی دیکەشەوە، یەک بەرمیل نەوتی رۆژئاوای تێکساس بە ٧١ دۆلار و ٣٥ مامەڵەی پێوە دەکرێت.
بەهۆی فراوانبوونی گرژی و ئاڵۆزییەکانی رۆژهەڵاتی ناوەڕاست و بەتایبەتیش ئیسرائیل و حەماس کە لە غەززەوە باڵی کێشاوە بۆ لوبنان، جگە لەوەش گرژی و ئاڵۆزییەکانی رووسیا و ئۆکرانیا بەردەوامی هەیە، بە بڕوای شارەزایانی ئابووری، دووبارە نرخی نەوت دەگەڕێتەوە بۆ ٧٥ بۆ ٨٠ دۆلار.
