تەنها مانگێک و ١٥ رۆژ بۆ هەڵبژاردنی سەرۆکایەتی ئەمریکا ماوە و لە چەند ویلایەتێکی ئەو وڵاتە دەنگدانی پێشوەختە دەستی پێکردووە.
میدیاکانی ئەمریکا رایانگەیاند، لە ویلایەتەکانی ڤێرجینیا و مینیسوتا و داکۆتای باشوور و ڤێرمۆنتی ئەمریکا هەڵبژاردنی پێشوەختەی سەرۆکایەتی دەستی پێکردووە.
ئاماژەیان بەوەش کردووە، هاوڵاتیان لەڕێگەی چوونیان بۆ بنکەکانی دەنگدان یاخود
لەڕێگەی ئیمەیڵەوە بەشداریان لە هەڵبژاردنەکان کرد و دەنگیاندا بۆ هەڵبژاردنی سەرۆکی
داهاتووی ئەمریکا.
بەپێی سیستمی هەڵبژاردنی ئەمریکا هاوڵاتیان دەتوانن بەپێی کارنامەی ویلایەتەکانیان
لە ٢٠ـی مانگی ئەیلول تاوەکو ٥ـی مانگی تشرینی دووەم دەنگ بدەن و سەرۆکی داهاتووی
وڵاتەکەیان هەڵبژێرن.
ئەمەش لەکاتێکدایە، کێبڕکێی بوون بە سەرۆکی داهاتووی ئەمریکا لە نێوان
کامالا هاریس جێگری ئێستای سەرۆکی ئەو وڵاتە و دۆناڵد ترەمپ سەرۆکی پێشووی ئەمریکایە.