AM:08:15:19/09/2024
1116 جار خوێندراوەتەوە
دوای ئەوەی لە چەند رۆژی رابردوودا نرخی نەوت گەیشتە نزمترین ئاستی لە ماوەی سێ ساڵی رابردوودا، ماوەی دوو رۆژە نرخی ئەو زێڕە رەشە بەردەوامە لە بەرزبوونەوە.
ئەمڕۆ پێنجشەممە، نرخی بەرمیلێک نەوتی خاوی برێنت بە ٧٣ دۆلار و ٧٨ سەنت مامەڵەی پێوە دەکرێت و بەراورد بە دوێنێ، نرخەکەی بەرزبووەتەوە.
لەلایەکی دیکەشەوە، یەک بەرمیل نەوتی رۆژئاوای تێکساس بە ٧٠ دۆلار و ٩١ سەنت مامەڵەی پێوە دەکرێت.
بەهۆی فراوانبوونی گرژی و ئاڵۆزییەکانی رۆژهەڵاتی ناوەڕاست و بەتایبەتیش ئیسرائیل و حەماس کە لە غەززەوە باڵی کێشاوە بۆ لوبنان، جگە لەوەش گرژی و ئاڵۆزییەکانی رووسیا و ئۆکرانیا بەردەوامی هەیە، بە بڕوای شارەزایانی ئابووری، دووبارە نرخی نەوت دەگەڕێتەوە بۆ ٧٥ بۆ ٨٠ دۆلار.
