PM:07:44:15/09/2024
800 جار خوێندراوەتەوە
لافاو و زریانى بەهێز رووى لە ژمارەیەک وڵاتى باشور و باشورى رۆژهەڵاتى ئاسیا و هاوکات چەند وڵاتێکى ناوەراستى ئەوروپا کردوە و بەهۆیەوە سەدان کەس گیانیان لەدەستداوە و هەزاران کەسیش ماڵەکانیان جێهێشتووە.
رۆژنامەی گلۆباڵ نیولایتی بۆرما بڵاویکردەوە، بەهۆی ئەو زریانە بەهێزەی ماوەی چەند رۆژێکە رووی لە بۆرما کردوە ٧٤ کەس گیانیان لەدەستداوە و نزیکەى ٩٠ کەسیش بریندار بوون.
ئاماژەی بەوەش
کردوە، بەپێی ئامارە نا فەرمییەکان زریانەکە وڵاتانی لاوس و تایلەند و ڤێتنامی
گرتوەتەوە، کە تائێستا زیاتر لە ٣٥٠ کەس گیانیان لەدەستداوە و هەزاران کەسیش ماڵ و
حاڵیان جێهێشتووە.
لە ئەوروپاش
ئاژانسەکانى هەواڵ باسیان لەوە کردوە بەهۆى بارانى بەخوڕەوە لافاو لە پۆڵەندا و نەمسا
و کۆمارى چیک و سلۆڤاکیا دروستبووە و بەهۆیەوە دوو کەس گیانیان لەدەستداوە و سێ هەزار
و ٥٠٠ کەسیش رزگارکراون و گواستراونەتەوە شوێنى سەلامەت.
