AM:08:16:12/09/2024
1216 جار خوێندراوەتەوە
دوای ئەوەی لە چەند رۆژی رابردوودا نرخی نەوت گەیشتە نزمترین ئاستی لە ماوەی سێ ساڵی رابردوودا، لە ئێستادا نرخی ئەو زێڕە رەشە دەستی بە بەرزبوونەوە کردووە.
ئەمڕۆ پێنجشەممە، نرخی بەرمیلێک نەوتی خاوی برێنت بە ٧١ دۆلار و ١٠ سەنت مامەڵەی پێوە دەکرێت و بەراورد بە چەند رۆژی رابردوو، نرخی هەر بەرمیلێک، نزیکەی دوو دۆلار بەرز بووەتەوە.
لەلایەکی دیکەشەوە، یەک بەرمیل نەوتی رۆژئاوای تێکساس بە ٦٧ دۆلار و ٧١ سەنت مامەڵەی پێوە دەکرێت
و بەراورد بە چەند رۆژی رابردوو، بە هەمان شێوە نزیکەی دوو دۆلار لە نرخەکەی زیادی
کردووە.
بەهۆی فراوانبوونی گرژی و ئاڵۆزییەکانی رۆژهەڵاتی ناوەڕاست و بەتایبەتیش ئیسرائیل
و حەماس کە لە غەززەوە باڵی کێشاوە بۆ لوبنان، جگە لەوەش گرژی وئاڵۆزییەکانی روسیا
و ئۆکرانیا بەردەوامی هەیە، بە بڕوای شارەزایانی ئابووری ، دووبارە نرخی نەوت دەگەڕیتەوە
بۆ ٧٥ بۆ ٨٠ دۆلار.
