سوودەکانی بەرکەوتن بە تیشکی خۆر لەسەر تەندروستی دەروونی:

١. ئاستی سیرۆتۆنین بەرز دەکاتەوە، کە گواستەرەوەیەکی دەمارییە باری دەروونی رێک دەخات و دەتوانێت ئارەزووی خواردن کۆنتڕۆڵ بکات هەروەها یارمەتیدەرە بۆ هەستکردن بە دڵخۆشی، بەرکەوتنی تیشکی خۆر هاندەری مێشک دەبێت بۆ دەردانی زیاتری سیرۆتۆنین، ئەمەش یارمەتیدەرە بۆ باشترکردنی باری دەروونی و کەمبوونەوەی مەترسی تووشبوون بە خەمۆکی و دڵەڕاوکێ.

٢. بەرکەوتن بە تیشکی خۆر یارمەتی رێکخستنی کارەکانی جەستە دەدات بە ناردنی سیگناڵێک بۆ مێشک، ئەمەش کاتی خەوتن و باری دەروونی و ئاستی وزە رێک دەخات، لە هەمان کاتدا ئاستی فشار کەم دەکاتەوە.

٣. تیشکی خۆر سەرچاوەیەکی سروشتی ڤیتامین-دی کە زۆرجار بە ڤیتامین-دی ناو دەبرێت بۆ زۆرێک لە کارەکانی جەستە پێویستە، لەوانەش بەرەوپێشبردنی تەندروستی مێشک، کەمی ئاستی ڤیتامین -دی پەیوەندی بە خەمۆکی و تێکچوونەکانی تری باری دەروونییەوە هەیە.

٣. چێژوەرگرتن لە تیشکی خۆر رێگەت پێدەدات پەیوەندیت لەگەڵ سروشتدا هەبێت، ئەمەش دەبێتە هۆی بەرزکردنەوەی ئاستی هۆشیاری و کەمکردنەوەی فشاری دەروونی، رۆیشتن لە دەرەوە یان دانیشتن لە ژێر خۆردا دەتوانێت لە بەرامبەردا کاریگەرییەکی هێورکەرەوە دروست بکات، ئاستی کۆرتیزۆڵ و دڵەڕاوکێ کەم بکاتەوە.