لەپێناو بەدیهێنانی خەونی گەیشتن بە ئەوروپا، زۆر جار کۆچبەران بە گرتنەبەری ڕێگەی مەترسیدار سەرکێشی بە ژیانیانیانەوە دەکەن و لە بری گەیشتن بە ئامانجیان مەرگ چاوڕێیان دەکات.
دەریای مانش یان نۆکەندی ئینگلیزی، ئەو ڕووبەرە ئاوییەیە کە بووەتە گۆڕستانێکی کراوەی کۆچبەران، چونکە هەموو کاتێک تیایدا باکان بە خواستی کەشتی و بەلەمەکان هەڵناکەن و هەم کۆچبەران و هەم خەونەکانیشیان پێکەوە نوقم دەکات.
کەناڵی ئینگلیز
پانتاییەکەی زیاتر لە ٢٠٠ کیلۆمەترە، بەڵام لە تەسکترین خاڵی نێوان شاری (کالیێ)ی
فەڕەنسی و (دۆڤەر)ی بەریتانی پانتاییەکە دەبێت بە تەنیا ٣٤ کیلۆمەتر.
نوێترین
قوربانی ئەم کەناڵەش لە ٣ ی ئەم مانگە بەلەمێک
بە نزیکەی ١٠٠ سەرنشینەوە، لە کەناڵی ئینگلیزیی نێوان فەڕەنسا و بەریتانیا ژێرئاوکەوت.
میدیاکانی فەرەنسا
بڵاویانکردەوە، لەو ڕووداوەکەدا ١٣ کۆچبەر ژێرئاوکەوتن و خنکان،١٠ ی تریش باری تەندروستیان
ناجێگیرە و ڕەوانەی نەخۆشخانە کراون، دوو کۆچبەری تر بێسەروشوێنن.
بە پێی ئامارێکی
ڕێکخراوی کۆچی نێودەوڵەتی، لەسەرەتای ئەمساڵەوە جگە لەو ١٣ کۆچبەرە، لانی کەم ٣٠ کۆچبەری
تر لە کەناڵی ئینگلیزیی ژیانیان لەدەستداوە.