پاسەوانی دەریایی ئیتاڵیا رایگەیاند، بەلەمێکی کۆچبەران لە کەناراوەکانی ئیتالیا ژێرئاوکەتوە و بەهۆیەوە ٢١ کۆچەر بێسەرووشوێنن.
ئەمڕۆ پێنجشەممە، پاسەوانی دەریایی ئیتاڵیا رایگەیاند، لە رۆژی یەکشەممەوە بەلەمێکی کۆچبەران لە لیبیاوە بەرێکەوتووە و گەیشتونەتە کەناراوەکانی ئیتالیا لە نزیک دورگری لامپێدوسا بەلەمەکەیان هەڵگەراوەتەوە و بەشێکی زۆری کۆچەرەکان کەوتونەتە دەریاوە.
ئاماژەی بەوەش کرد،
بەلەمەکە ٢٨ کۆچەری تێدا بووە و تەنها حەوت کەسیان رزگارکراون و ٢١ کۆچەری دیکە
چارەنوسیان نازانرێت.
سەرۆکی دەستەی کۆمسیارانی
پەنابەرانی نەتەوەیەکگرتوەکان بڵاویکردەوە، تەندروستی ئەو کۆچەرانەی رزگارکراون
ناجێگیرە، وتیشی، کۆچبەرەکان بەشێکیان خەڵکی سودان بوون و بەشێکی دیکەیان خەڵکی
سوریان.
بەپێی ئاماری رێکخراوی
نێودەوڵەتی کۆچبەران، ساڵی رابردوو زیاتر لە دوو هەزار و ٥٠٠ کۆچەر لە هەوڵی پەڕینەوەدا
لە دەریای ناوەراست گیانیان لەدەستداوە یان بێسەروشوێن بوون، ئەمساڵیش هەزار و ٤٧
کۆچەر لەو رێگەیە گیانیان لەدەستداوە.