AM:08:09:30/08/2024
904 جار خوێندراوەتەوە
دوای بڕیارەکەی ئۆپیک بۆ دووبارە کەمکردنەوەی بەرهەمهێنانی نەوت، ماوەی چەند رۆژێکە نرخی نەوت رووی لە بەرزبوونەوە کردووە و ئەمڕۆش بەرمیلێک نەوتی خاوی برێنت نزیکەی دوو دۆلار لە نرخەکەی زیادی کردووە و بە ٨٠ دۆلار و ١٨ سەنت مامەڵەی پێوە دەکرێت.
ئەمڕۆ هەینی، بەرمیلێک نەوتی رۆژئاوای تێکساس بە ٧٦ دۆلار و ١٠ سەنت مامەڵەی پێوە دەکرێت و بەراورد بە دوێنێ، نرخەکەی بەرز بووەتەوە.
بەرزبوونەوەی
نرخی نەوت دوای ئەوە دێت، لە چەند رۆژی رابردوودا، رێکخراوی ئۆپیک بڕیاریدا،
بەرهەمهێنانی نەوتی رۆژانە کەم بکەنەوە.
هاوکات، وەزارەتی نەوتی عێراق رایگەیاند، رێکخراوی ئۆپیک پڵەس، بە
ئامانجی جێگیرکردنی نرخی نەوت لە بازاڕەکانی جیهاندا، بڕیاری کەمکردنەوەی
بەرهەمهێنانی نەوتیان داوە و ئەوانیش وەک وەزارەتی نەوتی عێراق، پابەندن بە سەرجەم
بڕیارەکانی رێکخراوەکەوە.
ئەوەش خرابووە روو، ئەو هەنگاوە بۆ پاراستنی
بەرژەوەندی سەرجەم ئەندامانی رێکخراوەکە و جێگیرکردنی نرخی نەوتە لە بازاڕەکانی
جیهاندا
