ئەوەشی خستووەتە روو، ئۆکرانیا ویستوویەتی هێرش بکاتە سەر خاکی روسیا بەڵام هێزی بەرگری ئاسمانی وڵاتەکەیان سەرجەم هێرشەکانی پوچەڵکردووتەوە.

ئەمەش لە کاتێکدایە، ئۆکرانیا دەستی کردووە بە هێرشەکانی بۆسەر خاکی روسیا و پێشتر، ڤۆلۆدیمیر زیلینسکی سەرۆکی ئۆکرانیا لە وتارێکدا لەبەردەم باڵیۆزەکانی ئۆکرانیادا باسی لەوە کرد، سوپاکەیان دەستی بەسەر زیاتر لە هەزار و ٢٥٠ کلیۆمەتر چوارگۆشەی خاکی روسیادا گرتووە و چوونەتە نێو ٩٢ ناوچەی هەرێمی کۆرسکی روسیا.

ئۆکرانیا دەیەوێت پێشڕەوییەکانى سوپاى وڵاتەکەى لە ناو خاکى روسیا بۆ ناچارکردنى ئەو وڵاتە بە گفتوگۆ و دانوستان بەکاربهێنێت و پێشنیازى راگرتنى هێرشەکان لە بەرابەر ئامادەبوونى مۆسکۆ بۆ ئاشتى راستەقینە دەکات، وەزارەتى دەرەوەى روسیا وەڵامى پێشنیازەکە ناداتەوە و دەڵێت، هێرشەکانى ئۆکرانیایان راگرتووە و پێشڕەوییەکان کاتیین.

ئەوەش لەکاتێکدایە، لە شوباتی ٢٠٢٢ـدا و بە فەرمانی ڤلادیمێر پوتنی سەرۆکی رووسیا، سوپای ئەو وڵاتە هێرشی بۆ سەر خاکی ئۆکرانیا دەستپێکرد، لەوکاتەشەوە تا ئێستا جەنگەکە بەردەوامی هەیە و دەیان هەزار کەس لە هەردوو لە گیانیان لەدەست داوە و زیانێکی زۆریش بەر ژێرخانی ئابووری هەردوو وڵات کەوتووە.