سبەی هەشت مانگ بەسەر جەنگی غەززەدا تێدەپەڕێت و لە نوێترین ئاماریشدا، وەزارەتی تەندروستی فەڵەستین رایگەیاند، بەهۆی بۆردومان و هێرشەکانی ئیسڕائیل بۆ سەر کەرتی غەززە لە ماوەی ٢٤ کاتژمێری رابردوودا ٥٢ کەس گیانیان لەدەستدا و ٩٠ کەسیش بریندار بوون. دەشڵێت، لە رۆژی ٧ـی تشرینی یەکەمی ساڵی رابردووەوە، تاوەکو ئێستا ٣٤ هەزار و ٧٣٥ کەس لە کەرتی غەززە گیانیان لەدەستداوە.
ئەمڕۆ دووشەممە، وەزارەتی تەندروستی فەڵەستین رایگەیاند، لە ماوەی ٢٤ کاتژمێری رابردوودا بەهۆی بۆردومان و هێرشەکانی ئیسڕائیل بۆ سەر کەرتی غەززە ٥٢ کەس گیانیان لەدەستدا و ٩٠ کەسیش بریندار بوون.
ئاماژەی بەوەش کرد، لە ئەنجامی
هێرشە بەردەوامەکانی ئیسرائیل لە رۆژی ٧ـی تشرینی یەکەمی ساڵی رابردووەوە، ژمارەی
گیان لەدەستدان لە کەرتی غەززە بەرز بووەتەوە بۆ ٣٤ هەزار و ٧٣٥ کەس و زیاتر لە ٧٨
هەزار و ١٠٨ کەسیش بریندار بوون.
رۆژی رابردوو، سوپای ئیسرائیل
رایگەیاند، لە ئەنجامی هێرشەکانی حەماس بۆ سەر دەروازەی کەرەم ئەبوسالم لە کەرتی غەززە
چوار سەربازی ئیسڕائیل گیانیان لەدەستدا.
لەسەرەتای جەنگی نێوان حەماس
و ئیسرائیلەوە بەپێی ئامارەکانی سوپای ئیسڕائیل تاوەکو ئێستا ٦١٢ سەرباز گیانیان لەدەستداوە
و سێ هەزار و ٣٤٤ سەربازی دیکەش بریندار بوون.
لە رۆژی ٧ـی تشرینی یەکەمی
ساڵی رابردووەوە و دوای ئەوەی حەماس هەزاران مووشەکی ئاڕاستەی ئیسڕائیل کرد، جەنگی
نێوان حەماس و ئیسرائیل سەری هەڵدا و بەوهۆیەوە هەزاران کەس گیانیان لەدەستدا و و
بریندار بوون و زیاتر لە یەک ملیۆن کەسیش ئاوارەبوون.