روسیا لە رێگەی مووشەکی کروز و فرۆکەی بێفرۆکەوانەوە هێرشی کردە سەر کیێڤی پایتەختی ئۆکرانیا و سیستەمی بەرگری ئەو وڵاتە توانی ٣٠٠ هێرشی روسیا پووچەڵبکاتەوە.
کاربەدەستانی ئۆکرانیا لە تێلەگرام راگەیەنراوێکیان بڵاوکردەوە و تێیدا هاتووە، روسیا لە رێگەی فرۆکەی بێفڕۆکەوان هێرشی کردووەتە سەر کیێڤی پایتەختی وڵاتەکە و لە هەمان کاتدا چەند مووشەکێکی کروزی ئاڕستەی ئەو شارە ئۆکرانییە کردووە.
ئاماژەیان بەوەشدا، بەپێی زانیارییە سەرەتاییەکان هێزەکانی
بەرگری ئاسمانی ئۆکرانیا ٣٠ مووشەک و درۆنی روسیایان لە ئاسمانی دەوروبەری کیێڤی
پایتەختی ئۆکرانیا تێکشکاندووە.
ڤیتاڵی کلیتشکۆ سەرۆکی شارەوانی کیێڤ لە بارەی دوو هێرشەکەی
ئەمرۆی روسیا دەڵێت، "هیچ پەیوەندییەکی پەیوەست بە خزمەتگوزاری فریاکەوتن و
رزگارکردن نەبووە."
ئەمەش لە کاتێکدایە، ئۆکرانیا بەردەوام رەخنە لە سیستەمی
بەرگرییە ئاسمانییەکانی دەگرێت بەوەی لە کاتی تێکشکاندی مووشەک و درۆنەکان پاشماوەکانی
دەکەوێتە ناوشارەکانی ئۆکرانیا.