PM:09:18:11/10/2022
15044 جار خوێندراوەتەوە
وەزارەتی خوێندنی باڵای حکومەتی هەرێم رایگەیاند، سبەینێ چوارشەممە کاتژمیر ١ی دواى نیوەڕۆ ئەنجامى وەرگرتنى دەرچوانى پۆلى دوانزەى ئامادەیی لە زانکۆ و پەیمانگەکانى هەرێمى کوردستان رادەگەیەنێت.
ئەمڕۆ سێشەممە، وەزارەتی خوێندنی باڵا و توێژینەوەی زانستی حکومەتی هەرێم راگەیەنراوێکی بڵاوکردەوە و تیایدا هاتووە، سبەینێ چوارشەممە رێکەوتی ١٢ی ١٠ی ٢٠٢٢ کاتژمێر ١ی دوانیوەڕۆ لە کۆنفرانسێکی رۆژنامەنوسیدا ئەنجامى وەرگرتنى دەرچوانى پۆلى دوانزەى ئامادەیی لە زانکۆ و پەیمانگەکانى هەرێمى کوردستان رادەگەیەنێت.
ئاماژەی بەوەشداوە، هەر لە کۆنفرانسە رۆژنامەوانییەکەدا تەواوى وردەکارییەکانى
وەرگرتنى دەرچوان لە زانکۆ و پەیمانگەکان و ژمارەى پێشکەشکاران و وەرگیراوان بە شێوازە
جیا جیاکان رادەگەیەنرێت.
دەشڵێت، دواى راگەیاندنى ئەنجامەکانیش دەرچوان دەتوانن شوێنى وەرگرتنیان لە
زانکۆ و پەیمانگەکان وەربگرنەوە.
