لە یادی ٣٧ـەمین ساڵیادی کارەساتی کیمیابارنکردنی شاری هەڵەبجە، ئەمشەو کاتژمێر نۆ فیلمی ١٩٨٨ بۆ جاری دووەم لەسەر شاشەی کەناڵەکانی ئێن ئاڕ تی یەک و ئێن ئاڕ تی و دوو پەخش دەکرێت.
فیلمی ١٩٨٨ لە بەرهەمهێنانی دامەزراوەی نالیایە و باس لە رووداوەکان و کیمیاییبارانکردنی پارێزگای هەڵەبجە دەکات لەو ساڵەدا، لەسەر شاشەی کەناڵەکانی ئێن ئاڕ تی یەک و ئێن ئاڕتی دوو پەخش دەکرێت.
فیلمەکە پێشتر لەسەر شاشەی سینەماکان لە زۆربەی
شار و شارۆچکەکانی هەرێمی کوردستان پەخشکراوە، فیلمەکە چەندین خەڵاتی جیهانیی بۆ
باشترین فیلم بەدەستهێناوە.
فلیمی ١٩٨٨ لە فێستیڤاڵی گرین فلاش لە فەرەنسا و
ستۆکۆڵم سیتی فێستیڤاڵ لە وڵاتی سوید خەڵاتی باشترین فیلمی بەدەستهێنا و بووە بە
خاوەنی سێ خەڵات لە فێستیڤاڵی جیهانیی ئەڤینیۆن لە وڵاتی فەرەنسا.
هەروەها، فیلمی ١٩٨٨ لە فێستیڤاڵی فیلمی کوردی
نیویۆرک لە ئەمریکا بەشدارە و ئیڤێنتی فێستیڤاڵەکە بە فیلمی ١٩٨٨ کۆتایی دێت و
گرنگی تایبەتی پێدەدرێت، هەروەها پانێڵێک لەبارەی جینۆسایدی هەڵەبجەشەوە ساز
دەکرێت.