ئاماژەی بەوەشکرد، به‌و پێیه‌ی پڕۆژه‌كه‌ به‌ پله‌ی یه‌كه‌م خزمه‌تێكه‌ بۆ هاوڵاتیان بۆ كۆنترۆڵكردنی نرخی خۆراك و هه‌موو كه‌لوپه‌لێكی ناوماڵ کە نرخی كه‌ره‌سته‌ له‌ژێر چاودێری و وردبینی كه‌رتی گشتیدا ده‌بێت، هه‌روه‌ها به‌ نرخێكی كێبڕكێكار كه‌ خزمه‌ت به‌ هاوڵاتی ده‌كات، هه‌ركه‌سێك به‌ده‌وری هایپه‌رماركێته‌كه‌دا بڕوات، ئه‌وا نرخه‌كان له‌ بازاڕه‌ ناوخۆییه‌كان له‌٢٠٪ بۆ ٢٥٪ كه‌متر ده‌بینێت به‌رامبه‌ر به‌هاوتاكانیان له‌بازاڕه‌ گشتیه‌كان.

ئاماژه‌ی به‌وه‌شكرد، ئامانجەکانی پڕۆژه‌كه‌ بریتین له‌ كوالیتی و ره‌وایی كه‌ره‌سته‌ و كاڵاكان، هه‌روه‌ها پابه‌ندی تایبه‌تمه‌ندییه‌ عێراقییه‌كانن و هه‌موو ئه‌و كه‌ره‌ستانه‌ی كه‌ هه‌ن له‌ چوارچێوه‌ی تایبه‌تمه‌ندییه‌كاندان و جارجاره‌ پشكنینیان بۆ ده‌كرێت، هه‌روه‌ها كه‌ره‌سته‌كان ناچنه‌ ناو هایپه‌رماركێت و كۆگاكانی پڕۆژه‌كه‌ به‌بێ وردبینییه‌كی ته‌واو و پشكنین.
باسی له‌وه‌شكرد، پرۆژه‌ی هایپه‌رماركێت له‌ناو فرۆشگا ساده‌كانی ماركێتیندایه‌، به‌و پێیه‌ی كاریگه‌رییه‌كی روون و ئاشكرای كه‌رتی حكومی له‌سه‌ر فرۆشگاكانی ماركێتین هه‌بووه‌، هه‌روه‌ها پڕۆژه‌كه‌ لێره‌ گه‌وره‌تر و رێكخراوتره‌ و به‌ پلانێك كه‌ زیاتر له‌ بوارێك له‌خۆده‌گرێت، كه‌ بریتییه‌ له‌ دابینكردنی راسته‌وخۆ و هاورده‌كردنی زیاتر.

له‌باره‌ی نرخه‌كانیشه‌وه‌ وتی، چه‌ند پلانێك دانراون بۆ كه‌مكردنه‌وه‌ی نرخی هایپه‌رماركێته‌كان، هه‌نگاوی داهاتووش كه‌مكردنه‌وه‌ی نرخی هایپه‌رماركێته‌كان ده‌بێت، به‌و پێیه‌ی له‌ چه‌ند رۆژی داهاتوودا رێژه‌ی كه‌مكردنه‌وه‌ ده‌گاته‌ زیاتر ٤٠٪ـی نرخه‌كان.