AM:09:39:22/02/2025
35468 جار خوێندراوەتەوە
بەفربارین سەنتەرى پارێزگای سلێمانى و بەشێک لە شارەکانى تری گرتووەتەوە. کەشناسیش دەڵێت، تا دوانیوەڕۆی ئەمڕۆ تێکەڵەى بەفر و باران بەردەوام دەبێت.
ئەمڕۆ شەممە ٢٢ـی شوباتـی ٢٠٢٥، شەپۆلی بەفر و باران بەردەوام دەبێت لە سنووری پارێزگای سلێمانی دەوروبەری گرتووەتەوە و لە پێنجوێن نزیکەی ١٥ سانتیمەتر بەفر باریوە. هاوکات، لە رێگای پێنجوێن - سەیدسادق بەفرێکی زۆر دەبارێت و شۆفێران ئاگادار دەکرێنەوە کە لە حاڵەتی ناچاریدا نەبێت رێگاکە بەکارنەهێنن.
بەپێی پێشبینیەکانی کەشوهەوا، شەپۆلی بەفر و باران بەردەوام دەبێت و لە
پارێزگای سلێمانی و دەوروبەری و تا کاتەکانی دوانیوەڕۆ تێکەڵەی بەفر و باران بەردەوام
دەبێت و لە پارێزگای هەولێریش ئاسمان هەور دەبێت و ئەگەری بارانباراین هەیە.
هاوکات، سبەینێش پێشبینی دەکرێت لە کاتەکانی بەیانیدا بەفر لە سەنتەری
شاری سلێمانی ببارێت و لە کاتەکانی شەویشدا پلەکانی گەرما بۆ خوار پێنج پلەی ژێر
سفر داببەزن.
