PM:12:04:15/01/2025
2372 جار خوێندراوەتەوە
سەرۆک وەزیرانی عێراق رایگەیاند، لە ماوەی دوو ساڵدا قەبارەی وەبەرهێنانی عێراق لەگەڵ کۆمپانیا عەرەبی و بیانییەکان گەیشتووەتە ٦٣ ملیار دۆلار.
ئەمڕۆ چوارشەممە ١٥ـی کانونـی دووەمـی ٢٠٢٥، محەمەد شیاع سودانی، سەرۆک وەزیرانی عێراق، ئاماژەی بەوەشکرد، لە میانەی سەردانەکەیدا بۆ بەریتانیا لەگەڵ نوێنەرانی ٢٤ کۆمپانیای بەریتانی کۆبووەتەوە و رێکەوتن واژۆ کراوە لە بوارەکانی وەبەرهێنان و پەرەپێداندا.
ئەوەشی خستەڕوو،
چاکسازی راستەقینەیان لە عێراقدا کردووە و ئاسانکاری و پاڵپشتییان بۆ کەرتی تایبەت
و چاکسازییان لە باج و گومرگ و تۆمارکردنی کۆمپانیاکان و هەموو رەزامەندییەکانی پەیوەست
بە وەبەرهێنان جێبەجێ کردووە و حکومەتەکەیان لە بودجەی سێ ساڵەی ٢٠٢٣ و ٢٠٢٤ و ٢٠٢٥
دا بڕی ١٠٠ ملیار دۆلاریان بۆ وەبەرهێنان بۆ وەزارەت و پارێزگاکان دابینکردووە.
