PM:11:03:09/01/2025
3008 جار خوێندراوەتەوە
وتەبێژی وەزارەتی گواستنەوە و گەیاندن، وەرگرتنی ١٣ فڕۆكەی مۆدێرن لە چوارچێوەی پلانی نوێكردنەوەی گەشتی ئاسمانی پشتڕاستكردەوە.
ئەمڕۆ پێنجشەممە ٩ـی کانونی دووەمـی ٢٠٢٥، مەیسەم سافی، وتەبێژی وەزارەتی گواستنەوە و گەیاندن، بە ئاژانسی هەواڵی عێراقی رایگەیاند، ئەو فڕۆكانەی وەرگیراون بریتین لە شەش فڕۆكەی بۆینگ ماكس و دوو فڕۆكەی درێم لاینەر (بۆینگ) و پینج فڕۆكەی ئێرباس.
ئاماژەی
بەوەشكرد، ئامانجی وەزارەت وەرگرتنی (٣١) فڕۆكەی مۆدرێنە تا ساڵی ٢٠٢٧، جەختیشیكردەوە ئەم پڕۆژەیە لەچوارچێوەی ستراتیژێكی
تۆكمە و پلانی بەرزكردنەوەی تواناكانی گواستنەوەی ئاسمانی و هاوسەنگی لەگەڵ نوێترین
ستانداردە نێودەوڵەتییەكاندایە.
ئەوەشی
خستەڕوو، ئەو پلانانەی كە داڕێژراون بەپێی
خشتە كاتییە دیاریكراوەكان بەردەوامن، ئەمەش رەنگدانەوەی پەرۆشی وەزارەتە بۆ پەرەپێدانی
ژێرخانی كەرتی فڕۆكەوانی و پێشكەشكردنی خزمەتگوزاری كوالیتی بەرز بۆ گەشتیاران.
