باسی لەوەش کردووە، لە ئێستادا کارە هونەرییەکان تەواو بووە، وەزارەتەکە سەرقاڵی دیاریکردنی وادەیەکە بۆئەوەی بە ئامادەبوونی هاوڵاتیان ناوەندەکان بکەنەوە.

ئەوەش هاتووە، وەزارەتی بارزگانی دەیەوێت لەرێگای ئەو ناوەندانەوە پاڵپشتی بەرهەمی ناوخۆ و دەستی کاری گەنجان بکات و هەلی کاریان بۆ بڕەخسێنێت.

ئاماژەی بەوەش کردووە، لە ناوەندەکەدا سەرجەم کەلوپەل و پێداویستییەکان و خۆراک بەردەست دەبێت، لەناویاندا بابەتە شیرەمەنییەکان و گۆشتی سوور و گۆشتی سپی.

لە راگەیەنراوەکەدا وەزارەتی بازرگانی ئەوەشی خستووەتە روو، لەو ناوەندانەدا سەرجەم ئەو پێدایوستییانە بە نرخی کەمتر لە بازاڕ بۆ هاوڵاتیان دابین دەکرێت، ئەوەش لەپێناو ئەوەی ببنە هاوکار و پاڵپشتی بۆ فەرمانبەران و خێزانە کەمدەرامەتەکان و ئەوانەی داهاتیان سنووردارە.

وەزارەتەکە راشیگەیاندووە، ئەم هایپەرمارکێتانە دەبنە ناوەندێک بۆ کێبڕکێکردن لەگەڵ کەرتە تایبەتەکاندا نەوەک جێگرەوەیان، ئەوەش هەرزانکردنی نرخ بەدی دەهێنێت و لەڕێگایەوە نرخ لە بازاڕدا جێگیر دەبێت.

ئەمەش لە کاتێکدایە، عێراق بەردەوام ناوەندی بازاڕکردن دەکاتەوە، کە کەلوپەل و خۆراک بە نرخی پاڵپشتیکراو بۆ هاوڵاتیان دابین دەکەن، ئەوەش وادەکات کێبڕکێ لەنێوان کەرتە تایبەتەکان و ئەو بازاڕە حکومییانەدا دروست ببێت و لە کۆتاییدا دەبێتە هۆی هەرزانی و جێگریی نرخ و هاوڵاتیان لێی سوودمەند دەبن.