یەکەم: وشکبوونی پێست بەهۆی کەمبوونی ڕادەی شێ لە هەوادا کە دەبێتە ھۆی دروستبوونی توێشکی سپی لەسەر پێست وخوران و سووربوونەوەی پێست.
دووەم: سەرهەڵدانەوە و خراپ بوونی ئێکزیما لەو کەسانەی ئێکزیمایان هەیە بە تایبەتی لە منداڵاندا.
سێیەم: ئەو کەسانەی نەخۆشی گوڵیان هەیە بارودۆخییان خراپ دەبێت بەهۆی گۆڕانی گەرمی و ساردی و زیاتر خواردنی کافایین لەم وەرزەدا.
چوارەم: ئەوانەی ئێکزیمای چەوریان هەیە لەم وەرزەدا خراپتردەبن و توشی توێشکی و سووربوونەوە دەبن لە ناو سەر و سەر برۆ و لای کەپوو و سینگیاندا.
پێنجەم: هەندێک نەخۆشی دیکە هەیە کە لە هاوین بەرەو باشی دەچن بەهۆی کاریگەری تیشکی خۆر لەوانەیە لەم وەرزەدا خراپترببن، بۆ نمونە نەخۆشی سەدەفییە.
دکتۆرە سەرگوڵ ئاماژەی بەوەشکردووە بۆ خۆپارێزی و کەمکردنەوەی کاریگەری ئەم وەرزە لە سەر پێستمان باشترین شت کەمکردنەوەی ماوەی خۆ شوشتن و دوور کەوتنەوە لە بەکارھێنانی ئاوی گەرم و لیفکە، هەروەها زۆر گرنگە کە کرێمە شێدار کەرەوەکان بەشێوەیەکی رۆژ انە و رێکوپێکی بەکاربهێنین.