وەزیری کۆچ و کۆچبەرانی عێراق رایگەیاند، نزیکەی ٤٠٠ ئاوارەی دیکە لە هەرێمەوە گەڕاونەتەوە ناوچەکانی خۆیان.
وەزیری کۆچ و کۆچبەرانی عێراق رایگەیاند، ٣٩٨ ئاوارە لە کەمپەکانی کوردستانەوە گەڕاونەتەوە ناوچەکانی خۆیان لە پارێزگاکانی کەرکوک و نەینەوا و سەڵاحەدین.
لە ١٦ی مانگی رابردووشدا، وەزارەتەکە
ئاماژەی بەوەکرد، ٢٣٥ خێزانی ئاوارە لە کەمپەکانی هەرێمەوە گەڕاونەتەوە ناوچەکانیان.
ئەوەشی خستە روو، بڕی چوار ملیۆن دینار
وەک هاوکاری و هاندان دراوەتە ئەو خێزانانە و هەر خێزانێکیش بگەڕێتەوە ناوچەکەی خۆی
ئەو هاوکارییەی پێ دەدرێت.
ئەوە لەکاتێکدایە، رۆژی ١١ـی تەمموز، وەزارەتی
کۆچ و کۆچبەرانی عێراق رایگەیاند، سەرجەم ئاوارەکانی نێو کەمپەکانی سنووری سلێمانی
گەڕاونەتەوە ناوچەکانی خۆیان و دواهەمین کەمپ لە ناوچەی عەربەت لە سنووری سلێمانی
داخراوە و هیچ کەمپێک لەسنووری سلێمانی بوونی نەماوە، بەڵام هێشتا چەند کەمپێکی
سنووری دهۆک و هەولێر ئاوارەیان تێدا نیشتەجێیە و کار بۆ گەڕانەوەی ئەو ئاوارانەش
دەکرێت.