ئەوەشی خستەڕوو، ئەو شوێنانەی سبەی هاوکارییەکەیان بەسەردا دابەشدەکرێت، بریتین لە "لیوای ٢، لیوای ٥، لیوای ٦، ٧، لیوای ٨، لیوای ١٠ی پیادە فەوجی ١، لیوای ١١، لیوای ١٥، لیوای ١٧، بارەگای لیوای ٢١ی پیادە.

هەروەها هەریەک لە هێزی پشتیوانی یەک و دوو، فیرقەی پیادەی ١ و ٢.

ئەوەش لەکاتێکدایە، لە مانگەکانی رابردوودا چەند یوایەک بەهۆی ئەوەی کە هاوکاری هاوپەیمانانیان بەسەردا دابەشناکرێت گردبوونەوە و باسیان لەوەدەکرد، حکومەت وەک پێدانی مووچەکانیان دوادەخات، دەستی بەسەر هاوکاری هاوپەیمانانیشدا گرتووە.

پێشتر هاوپەیمان چەندین کاروانى هاوکارى سەربازى و لۆجستییان پێشکەش بە پێشمەرگە کردووە و لەساڵى ٢٠١٧ـەشەوە مانگانە زیاتر لە ٢٠ ملیۆن دۆلاریان وەک مووچە دەدا بەو لیوا هاوبەشانەى خراونەتە سەر وەزارەتى پێشمەرگە.

لە مانگی ٦ی ئەمساڵیشەوە، ئەو پارەیە کرا بە هاوکاری دارایی و مووچەکانیان چووەوە سەر بەغدا، بەڵام ئێستا حکومەتی کاربەڕێکەر نە هاوکارییەکەی هاوپەیمانانیان بەسەر بەشێکیاندا دابەشدەکات و نەخۆشی مووچەیان پێدەدات، جگە لەوەی بەشێکی زۆری ئەو پێشمەرگانە دەوامیان دوور لە شار و شوێنی نیشتەجێبوونیانە.
هێرش قادر- هەولێر