بەهۆى نەبوونى متمانەوە کە ئامادە نین دەنگیان پێبدەن، پارتى و یەکێتى سوێند بە هەندێک لە لایەنگرانیان دەخۆن، مامۆستایانی ئاینیش دەڵێن، هەر سوێندێک بە زۆر بخورێت ناکەوێت و داواش لە خەڵک دەکەن دەنگ نەدەن بە ستەمکار.
لەگەڵ بانگەشە و پێدانى بەڵێنى دووبارە بە هاوڵاتیان و بنەماڵەی بارزانی و تاڵەبانی کەوتوونەتە سوێند و قورئان دانى بەشێک لە لایەنگرانیان بۆ ناچارکردنیان تا دەنگیان پێبدەن.
بەوتەى مامۆستایانی
ئاینی، نەک ئەو سوێندە ناکەوێت بەڵکو دەنگدان بە دز و گەندەڵ دەبێتە هۆى گوناهبارى
لاى ئەو کەسەى دەنگیان پێدەدات.
بەهۆى ئەو
گرفتانەى ٣٣ ساڵە یەک دواى یەک بەرۆکى هاوڵاتیان دەگرن خەڵکى جارێکى دیکە نایانەوێت
هەمان ئەو بنەماڵەی بارزانی و تاڵەبانی هەڵببژێرنەوە کە هۆکارى قەیران و زۆربوونى گەندەڵییەکانن،
هەربۆیە بەهۆى لەدەستدانى متمانەیانەوە دەیانەوێت بە پارەى هاوڵاتیان خۆیان و بەسوێنددانیان
دەنگى هاوڵاتیان بۆ خۆیان رابکێشنەوە.
یەکێتى و
پارتى بەپارەى دزراوى هاوڵاتیان و بەکارهێنانى پیرۆزییەکان لە هەوڵدان هاوڵاتیان
ناچار بکەن بۆ ئەوەى دەنگیان پێبدەن بەڵام بەڕاى هاوڵاتیان هیچ دەرفەتیک بۆ ئەو
دوو حزبە نەماوە و هاوڵاتیان ئەم هەڵبژاردنە سزایان دەدەن.