بانکی ناوەندیی عێراق بۆ ئەمڕۆ بە تێکڕا زیاتر لە ٢٤٩ ملیۆن دۆلاری بە بانک و بازرگانەکان فرۆشتووە. لە بازاڕی دراوەکانی هەرێمیش ١٠٠ دۆلار بەرامبەرە بە ١٥٠ هەزار و ٥٥٠ بۆ ٦٠٠ دینار.
بانکی ناوەندیی عێراق رایگەیاند، بۆ ئەمڕۆ بە تێکڕا ٢٤٩ ملیۆن و ٣٠٩ هەزار و ٥٢١ دۆلاریان بە نرخی فەرمی بانکەکە فرۆشتووە.
ئاماژەی بەوەش کرد، لەو رێژەیە شەش ملیۆن و ٦٥٠ هەزار دۆلاری فرۆشی کاش
بووە و بەراورد بە دوێنێ فرۆشی کاش کەمی کردووە.
باسی لەوەش کرد، بڕی ٢٤٢ ملیۆن و ٦٥٩ هەزار و ٥٢١ دۆلاری بەشێوەی حەواڵەی
دەرەکی فرۆشراوە.
هاوکات، لە ئێستادا لە بازاڕی دراوەکانی هەرێم ١٠٠ دۆلار بە ١٥٠ هەزار و
٥٥٠ بۆ ٦٠٠ دینار مامەڵەی پێوە دەکرێت.