AM:08:20:23/09/2024
1208 جار خوێندراوەتەوە
دوای ئەوەی لە چەند هەفتەی رابردوودا نرخی نەوت گەیشتە نزمترین ئاستی لە ماوەی سێ ساڵی رابردوودا، ماوەی نزیکەی هەفتەیەکە نرخی ئەو زێڕە رەشە بەردەوامە لە بەرزبوونەوە و ئەمڕۆ نرخەکەی لە بەرزیدا جێگیرە.
ئەمڕۆ دووشەممە، نرخی بەرمیلێک نەوتی خاوی برێنت بە ٧٥ دۆلار و هەشت سەنت مامەڵەی پێوە دەکرێت و بەراورد بە دوێنێ، نرخەکەی بەرزبووەتەوە.
لەلایەکی دیکەشەوە، یەک بەرمیل نەوتی رۆژئاوای تێکساس بە ٧١ دۆلار و ٦٢ مامەڵەی پێوە دەکرێت.
بەهۆی فراوانبوونی گرژی و ئاڵۆزییەکانی رۆژهەڵاتی ناوەڕاست و بەتایبەتیش ئیسرائیل و حەماس کە لە غەززەوە باڵی کێشاوە بۆ لوبنان، جگە لەوەش گرژی و ئاڵۆزییەکانی رووسیا و ئۆکرانیا بەردەوامی هەیە، بە بڕوای شارەزایانی ئابووری، دووبارە نرخی نەوت دەگەڕێتەوە بۆ ٧٥ بۆ ٨٠ دۆلار.
