لەم هەفتەیەدا بانکی ناوەندی تەنها چوار رۆژ فرۆشی دۆلاری هەبووە و بە تێکڕا زیاتر لە یەک ملیار دۆلار بەشێوەی کاش و حەواڵەی دەرەکی بە بانک و بازرگانەکان فرۆشراوە.
لە ماوەی ١٦ بۆ ١٩ـی ئەیلول، بانکی ناوەندیی عێراق بە تێکڕا یەک ملیار و حەوت ملیۆن و ٤٧٨ هەزار و ٤٢٩ دۆلاری بە نرخی فەرمی بانکەکە فرۆشتووە.
لەو رێژەیە، فرۆشی کاش ٥٨ ملیۆن و ٤٥٠ هەزار
دۆلار بووە، ٩٤٩ ملیۆن و ٢٨ هەزار و ٤٢٩ دۆلاریشی بەشێوەی حەواڵەی دەرەکی بووە.
لەسەر ئاستی هەفتانە فرۆشی دۆلار کەمی
کردووە، بەوپێیەی لە هەفتەی رابردوودا بانکی ناوەندی پێنج رۆژ فرۆشی دۆلاری هەبوو،
بە تێکڕا بڕی یەک ملیار و ٢٨٢
ملیۆن و ٢٢٦ هەزار و ٩٢٦ دۆلار بە نرخی فەرمی بانکەکە بە سەرجەم لایەنە رێگەپێدراوەکان
فرۆشت کە ئاستی فرۆشی کاش ٦٦ ملیۆن و ٩٠٠ هەزار دۆلار بوو.
هەر بەپێی داتاکانی بانکی ناوەندی، بەرزترین رێژەی فرۆش لە رۆژی چوارشەممە
١٨ـی ئەیلول بووە کە تێیدا بە تێکڕا ٢٥٥ ملیۆن و ٦٨٩ هەزار و ١٠٧ دۆلار فرۆشراوە.