AM:10:16:18/09/2024
1128 جار خوێندراوەتەوە
کۆمپانیای دابەشکردنی بەرهەمە نەوتییەکان لە عێراق رایگەیاند، تەنها لە مانگی رابردوودا، رێژەی بەکارهێنانی غازی شل بۆ ئۆتۆمبێل گەیشتووەتە ٣٣ ملیۆن لیتر.
حسێن تاڵب بەڕێوەبەری گشتیی کۆمپانیای دابەشکردنی بەرهەمە نەوتییەکان لە عێراق ئاماژەی بەوە کردووە، مانگی رابردوو رێژەی بەکارهێنانی غازی شل بۆ ئۆتۆمبێل پێنج ملیۆن لیتر زیادی کردووە بەراورد بە مانگی پێش خۆی، بەوهۆیەوە رێژەی بەکارهێنانی غازی شل لە عێراقدا گەیشتووەتە ٣٣ ملیۆن لیتر لە مانگی هەشتدا.
هەر لەو بارەیەشەوە فەلاح هاشم بەڕێوەبەری دەستەی دابینکردنی بەرهەمە
نەوتییەکان ئەوەی خستووەتە روو، لەپێناو پڕکردنەوەی خواست و دابینکردنی پێویستییەکانی
هاوڵاتیان، بەردەوامن لە کردنەوەی وێستگەی نوێ.
وتیشی، لە ئێستادا ژمارەی وێستگەکان ١١٨ وێستگەن و مانگانەش بەپێی
توانا وێستگەی نوێ زیاد دەکرێن.
