AM:08:37:14/09/2024
1264 جار خوێندراوەتەوە
دوای ئەوەی لە چەند رۆژی رابردوودا نرخی نەوت گەیشتە نزمترین ئاستی لە ماوەی سێ ساڵی رابردوودا، لە ئێستادا نرخی ئەو زێڕە رەشە دەستی بە بەرزبوونەوە کردووە.
ئەمڕۆ شەممە، نرخی بەرمیلێک نەوتی خاوی برێنت بە ٧١ دۆلار و ٦١ سەنت مامەڵەی پێوە دەکرێت و بەراورد بە دوێنێ، نرخی هەر بەرمیلێک زیاتر لە یەک دۆلار دابەزیوە بەڵام بەراورد بە چەند رۆژی رابردوو نرخەکەی بەرزبووەتەوە.
لەلایەکی دیکەشەوە،یەک بەرمیل نەوتی رۆژئاوای تێکساس بە ٦٨ دۆلار و ٦٥ سەنت مامەڵەی پێوە دەکرێت.
بەهۆی فراوانبوونی گرژی و ئاڵۆزییەکانی رۆژهەڵاتی ناوەڕاست و بەتایبەتیش ئیسرائیل و حەماس کە لە غەززەوە باڵی کێشاوە بۆ لوبنان، جگە لەوەش گرژی وئاڵۆزییەکانی روسیا و ئۆکرانیا بەردەوامی هەیە، بە بڕوای شارەزایانی ئابووری ، دووبارە نرخی نەوت دەگەڕیتەوە بۆ ٧٥ بۆ ٨٠ دۆلار.
