ماوەی هەفتەیە بانکی ناوەندی بەردەوامە لە بەرزکردنەوەی ئاستی فرۆش بۆ زیاتر لە ٢٥٠ ملیۆن دۆلار و لەو رێژەیەش، ٥٪ بۆ ٨٪ـی بە شێوەی کاشە، بەهۆی فراوانبوون و زیادبوونی جوڵەی بازرگانیی عێراقیش، ئاستی فرۆشی حەواڵە لە بەرزترین ئاستی مانگانەی خۆیدا ماوەتەوە.
ئەمڕۆ پێنجشەممە، بانکی ناوەندی لە رێگەی پێگەی تایبەت بە فرۆشی دراوی بیانی بڵاوی کردەوە، لە لایەن گەشتیاران و بازرگانان و بانکە رێگەپێدراوەکانەوە، بڕی ٢٥٧ ملیۆن و ٣٤٥ هەزار و ١١٠ دۆلار بە نرخی فەرمی فرۆشراوە.
ئاماژە بەوەش
کراوە، لەو رێژەیە، بڕی ١٢ ملیۆن و ٧٥٠ هەزار دۆلاری بە شێوەی کاش بووە و بڕی ٢٤٤
ملیۆن و ٥٩٥ هەزار و ١١٠ دۆلاری بە شێوەی حەواڵە بووە، لەو رێژەیە ٦٠٪ بۆ مامەڵە
داراییەکانی دەرەوەی عێراق بەکار هاتووە، بەراورد بە دوێنێ چوارشەممەش بڕی ٣٪ کەمتر
خراوەتە بازاڕەکانەوە.
هاوکات، لەگەڵ
چالاکبوونی سیستمی هەناردە و هاوردەکردن، بانکی ناوەندی ئاستی فرۆشی هەفتانەی لە
٨٨٪ـەوە بۆ ٩٤٪ بەرز کردووەتەوە کە ئەوەش بەرامبەرە بە ٤٠٠ ملیۆن دۆلاری مانگانە.
دوێنێ چوارشەممە،
بانکەکە بڕی ٢٦٢ ملیۆن و ٩٤٣ هەزار و ٢٠٨ دۆلاری فرۆشتووە و لەو رێژەیەش بڕی ١٦ ملیۆن و ٤٠٠ هەزار دۆلار بە نرخی فەرمی
فرۆشراوە، لە بەرامبەریشدا بڕی ٢٤٦ ملیۆن و ٥٤٣ هەزار و ٢٠٨ دۆلار بە شێوەی حەواڵەی
دەرەکی فرۆشراوە.
ئەوەش لە کاتێکدایە،
ئاستی فرۆشی دۆلار بە شێوەی کاش و حەواڵە لەگەڵ دەستپێکی سیستمی چاکسازی بانکی و
دوای تەواوبوونی کۆبوونەوەکانی بانکی ناوەندی و وەزارەتی گەنجینەی ئەمریکا لە ئەبوزەبی،
بەڕیژەی ٢٥٪ بەرزبوونەوەی بەخۆیەوە بینیوە.