PM:03:36:07/09/2024
3732 جار خوێندراوەتەوە
راوێژکاری دارایی و ئابوری سەرۆک وەزیرانی عێراق بە دیجیتاڵ میدیای ئێن ئاڕ تی راگەیاند، دابەزینی نرخی نەوت هیچ مەترسییەک بۆ سەر مووچەی فەرمانبەران دروست ناکات و لە پاڵپشتیکردنى سوتەمەنى و خۆراک و دەرمانیش بەردەوام دەبن.
ئەمڕۆ شەممە، مەزهەر محەمەد ساڵح، راوێژکاری دارایی و ئابوری سەرۆک وەزیرانی عێراق بە ئێن ئاڕ تی راگەیاند، هیچ قەیرانێک لە عێراقدا نییە و دابەزینی نرخی نەوت هیچ کاریگەرییەکی بۆ سەر کەمکردنەوەی مووچەی فەرمانبەرانی عێراق نابێت.
ئاماژەی بەوەش کرد، حکومەت بەردەوام دەبێت لە دابینکردنی سەبەتەی خۆراک و
پاڵپشتیکردنی نرخی سوتەمەنی و دەرمان و کەرەستە پێویستیەکان.
قسەکانی ئەو راوێژکارەی سودانی لەدوای ئەوە دێت، پێشتر چەند دەنگۆیەک
باسیان لەوە دەکرد، دابەزینی نرخی نەوت لە جیهاندا، کاریگەرى لەسەر داهاتى عێراق
دروست دەکات.
