PM:04:38:05/09/2024
1136 جار خوێندراوەتەوە
بەڕێوەبەری کشتوکاڵی دیوانیە رایگەیاند، ژمارەی هەنگەوانەکان لە سنووری پارێزگاکەدا بەشێوەیەکی بەرچاو زیادی کردووە و بەوهۆیەشەوە لەمساڵدا رێژەی بەرهەمهێنانی هەنگوین گەیشتووەتە ٧٦ تۆن.
ئەمڕۆ پێنجشەممە، ئەحمەد زەیادی بەڕێوەبەری کشتوکاڵی دیوانیە بە ئاژانسی هەواڵی عێراقی راگەیاند، بەراورد بە ساڵی ٢٠٢٣، ئاستی بەرهەمهێنانی هەنگوین لەمساڵدا نزیکەی ١٣ تۆن زیادی کردووە.
ئاماژەی بەوەش کرد، لە ساڵی رابردوودا لە سنووری پارێزگاکە بڕی ٦٣ تۆن و
٤٩٢ کیلۆگرام هەنگوین بەرهەم هاتووە، بەڵام لەمساڵدا رێژەکە بۆ ٧٦ تۆن و ٤٤٧ کیلۆگرام
بەرز بووەتەوە.
باسی لەوەش کرد، وەزارەتی کشتوکاڵ پاڵپشتی تەواوی هەنگەوانانی کردووە لە
دابینکردنی کەرەستەی پێویست بۆ بەخێوکردنی هەنگ لەوانەش دابینکردنی جلوبەرگی تایبەت بۆ هەنگەوانەکان،
دروستکردنی سندوقی دار بۆ هەنگەکان، کەرەستەی کانزایی بۆ دەرهێنانی هەنگوین،
هاوکات گرتنەبەری ئەو رێوشوێنانەی کە یارمەتیدەر بوون بۆ زیادبوونی بەرهەمی هەنگوین.
