PM:04:54:03/09/2024
776 جار خوێندراوەتەوە
باڵیۆزی عێراق لە ئێران رایگەیاند، ئاڵوگۆڕی بازرگانیی ساڵانەى نێوان ئەو دوو وڵاتە ١٠ ملیار دۆلاری تێپەڕاندووە. دەشڵێت، هاوبەشیکردنی نێوان عێراق و ئێران لە بوارەکانی کشتوکاڵ و پیشەسازی دەتوانێت سوودی زیاتریان پێبگەیەنێت.
ئەمڕۆ سێشەممە، نەسیر عەبدول موحسین باڵیۆزی عێراق لە ئێران ئاماژەی بەوە کردووە، ئاڵوگۆڕە بازرگانییەکانی نێوان عێراق و ئێران ١٠ ملیار دۆلاری تێپەڕاندووە.
باسی لەوەش کردووە، هاوکارییەکانی نێوان ئەو دوو وڵاتە لە بوارەکانی کشتوکاڵ
و پیشەسازی سوودی زیاتر بە هەردوولا دەگەیەنێت.
ئەوەشی خستووەتە روو، عێراق ئامادەیە یەکە پیشەسازییەکانی لە پارێزگای سێمنانی
باکووری وڵاتەکە بخاتە کار بۆ زیاتر بەرەوپێشبردنی کەرتی پیشەسازی و فراوانترکردنی
هاوکارییەکان.
