PM:01:55:02/09/2024
61464 جار خوێندراوەتەوە
دوای بڕیارەکەی عێراق بۆ هاوتاکردنەوەی مووچەی خانەنشینانی هەرێم، ئەمڕۆ وەزارەتی دارایی و ئابووری هەرێم رایگەیاند، بۆ مانگی حەوت، مووچەی خانەنشینانی هەرێم بە هاوتاکراوی یاسای خانەنشینی یەکگرتوو دابەشدەکرێت.
وەزارەتی دارایی و ئابووری حکومەتی کاربەڕێکەری هەرێم لە راگەیانراوێکدا بڵاویکردەوە، مووچەی مانگی حەوتی خانەنشینانی یەکگرتوو، بە هاوتاکراوی هاوشێوەی عێراق دابەشدەکرێت.
وەزارەتی دارایی و ئابووری حکومەتی کاربەڕێکەر هیچ
وادەیەکی بۆ دابەشکردنی مووچە ئاشکرا نەکردووە و تەنها ئەوەی راگەیاندووە، مووچەی
خانەنشینی هاوتادەکرێت.
ماوەی نزیکەی دوو مانگە مووچەخۆرانی هەرێم مووچەیان
وەرنەگرتووە و تاوەکو ئێستاش بە فەرمی هیچ راگەیەنراوێکیان لەبارەی هۆکاری
دواکەوتن و کاتی دابەشکردنی مووچەوە نییە.
یەکخستنی مووچەی خانەنشینانیش لەدوای بڕیاری دادگای
فیدڕاڵییەوە دێت بۆ ناچارکردنی هەرێم بە هاوتاکردنی مووچەی خانەنشینانی لەگەڵ
عێراق و جێبەجێکردنی یاسای خانەنشینی یەکگرتوو.
هـ.ئـ
